mqdefault (2)

Amanda Akariza’ yiyemeje kudaceceka nyuma y’itabwa muri Yombi ry’umuyobozi wa Miss Rwanda

Umwali witwa ‘Akaliza Amanda’ wabaye Igisonga cya Mbere cya Miss Rwanda 2021 yagaragaje ko hari ibyo yari yaratinye kuvuga bijyanye na Ruswa ishingiye ku Gitsina yakunze kuvugwa muri iri Rushanwa.

Amanda yatangaje ibi nyuma y’aho Urwego rw’Igihugu Rushinzwe Ubugenzacyaha (RIB) rwemeje ko rwataye muri yombi Kagame Ishimwe Dieudonnée ukwekwaho gukorera Ihohotera rishingiye ku Gitsina Abakobwa bitabiriye Irushanwa rya Miss Rwanda.

Yaba mu biganiro bibera ku Mbuga Nkoranyambaga zitandukanye biragoye gusanga Ingingo ya Miss Rwanda itari kugibwaho impaka.

Guhera mu Saa Moya z’Ijoro zo kuri uyu wa Kabiri, tariki 26 Mata 2022 kuri Twitter habereye (Space) ibiganiro bivuga kuri iyi ngingo kugeza mu Rukerera rwo ku wa Gatatu, ibyafashwe nk’ibisanzwe!

Akaliza Amanda wabaye Igisonga cya Mbere cya Miss Rwanda 2021 yanditse kuri Twitter agaragaza ko hari ibyo azi kuri iyi ngingo yari yarabuze uko abivuga.

Yagize ati:“Kenshi nashatse kugira icyo mvuga ariko icyo gihe sinabishoboye kuko kuvuga nta bimenyetso byari kwangiza kuruta uko byari gufasha.”

Nyuma y’uko RIB yinjiye muri iki kibazo ndetse umuyobozi rwa Rwanda Inspiration Back Up itegura irushanwa agafungwa, Akaliza Amanda yiyemeje kuvuga ibyo yari amaze igihe abitse ku mutima.

Akomeza ati:“Ubu noneho ntabwo nshobora gukomeza guceceka. Ibi nanditse ni uburyo bwo kugaragaza aho mpagaze nizera ko byatera imbaraga abakobwa kwihagararaho bakabwira ibyabo polisi mu gihe babyifuza.”

Akaliza Amanda yakomeje avuga ko ntawe avugira mu Bakobwa bose bitabiriye Irushanwa rya Miss Rwanda, gusa yiteguye gushyigikira buri wese uzashaka kugaragaza ibyamubayeho.

AMANDA yaturirimbiye! Yahishuye ko yagize ikibazo cya Mental  Health/Umuryango we wamukoreye ibirori - YouTube

Miss Amanda Akaliza responds to criticisms about her Kinyarwanda | The New  Times | Rwanda

Miss Akaliza Talks Passion for Tattoos and Music – KT PRESS


Comment As:

Comment (0)